पुर्बबाट आजभोलि एकपछी अर्को सुमधुर आवाजले नेपाली गित सङ्गीतलाई धेरै माथि पुर्याउदै गरेको अवस्थामा फेरि एकपटक ४८ वर्षीय अमित कुमार राई मिडियामा आएका छन ।

जसको आवाजमा छुट्टै जादु रहेको पाइन्छ । स्व. स्वर सम्राट नारायण गोपालका गितहरु दुरुस्तै गाएर चर्चामा आएका उनमा अदभूत लुकेको प्रतिभा भेटिन्छ । घर पथरी सनिस्चरेमा बसोबास गर्ने जादुमय स्वरका धनी अमित कुमार राईको सानैदेखीको सपना गित गाउने रहेको बताउदै आखाभरी आँसु बनाए । सपना गायक बन्ने भएपनी बाध्यताले केही गर्न नसकेको र अहिले मात्र मिडियाले खोजी गरेको र आफू मिडियामा छाउदै गर्दा भावुक हुँदै सबैलाई धन्यवाद दिए ।

घर परिवार आफैले हेर्नुपर्ने अनि घरको आर्थिक अवस्था एकदमै नाजुक भएकाले गित रेकर्ड गर्न नसकेका उनको कहानी बेग्लै छ । चौबिसै घन्टा रेडियो बोकेर हिड्ने गरेका उनले आजसम्म कहि कतै गित संगीत सिक्ने मौका पाएका छैनन तर उनको गायकी देखेर जो कोहि चकित पर्छन । सम्भु राई, जितेन राई, स्वर सम्राट स्व नारायण गोपाल,उधित नारायण झा, लगायत धेरै श्रस्ठाहरुको गित जस्ताको त्यस्तै नबिगारी गाउने उनको क्षमता देखेर अहिले सबै छक्क पर्ने अवस्था आएको छ ।

गरिबि अनि बाध्यताले आफुले केहि गर्न नसकेको उनि बताउछन । उनै अमित कुमार राई अन्तत आफ्नै गित रेकर्ड गर्न काठमाडौँ आइपुगेका छन् । ‘फुलाई फुलको’ बोलको गितमा उनले निक्कै राम्रो स्वर दिएका छन् । उक्त गीतको रचना गोपाल चन्द्र राई, म्युजिक तोरेम्पा, एरेन्ज रोशन बान्तवाले गैरका छन् । निक्कै सुमधुर स्वरका धनि जन्तरे मामा अमित कुमार राईको आफ्नै स्वरमा रेकर्ड भएको पहिलो गित पनि यहि हो । हेर्नुहोस स्टुडियो भर्जनको भिडियो सहितको गित ।