पछिल्लो २४ घन्टामा काठमाडौँ उपत्यकामा थप २ हजार ७ सय २० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडाैंमा २ हजार ३ सय ५७ जना, भक्तपुरमा १ सय २७ र ललितपुरमा २ सय २६ जना संक्रमित देखिएका हुन् ।

त्यसैगरी कोरोना भाइरस कोभिड-१९ बाट आज थप ४४ सय ९९ जनामा संक्रमण पुष्टि भएको छ । यो संगै नेपालमा कोरोनाबाट कुल संक्रमितको संख्या १ लाख ५३ हजार ८ जना पुगेको छ ।

त्यसैगरी पछिल्लो २४ घण्टामा २६ सय ६८ जना डिस्चार्ज भएको स्वास्थ्य मन्त्रालयले जनाएको छ । हाल सम्म कोरोना संक्रमण निको भएकाहरुको संख्या १ लाख ५ हजार ४८८ जना रहेको छ । त्यस्तै पछिल्लो २४ घण्टामा १७ जनाको मृत्यु भएको छ । यो संगै नेपालमा मृतकको संख्या ८२९ पुगेको छ ।