आज मंगलबार सुनको मूल्यमा भारी गिरावट आएको छ । नेपाल सुनचाँदी व्यवसायी महासंघका अनुसार छापावाल सुन प्रतितोला १८ सय ले घटेको छ ।

सोमबार प्रतितोला ९४ हजार तीन सय रुपैयाँमा कारोबार भएको सुनको मुल्य मंगलबार प्रतितोला ९२ हजार पाँच सय रुपैयाँमा झरेको छ । त्यसैगरी सोमबार तेजावी सुनको भाउ प्रतितोला ९३ हजार ८ सय रुपैयाँमा कारोबार भएको थियो भने आज मंगलबार ९२ हजार रुपैयाँमा कारोबार भएको छ ।

त्यस्तै चाँदीको मूल्यमा पनि तोलामा ३० रुपैयाँले घटेको छ । हिजो सोमबार १२ सय १० रुपैयाँ तोलामा कारोबार भएको चाँदीको आज मंगलबार ११ सय ८० रुपैयाँमा कारोबार भैरहेको छ । कोभिड १९ महामारीसंगै आकासिएको सुनको मूल्य यसको खोपको सफल परिक्षणसंगै सुनमा लगानी गरिरहेका लगानीकर्ताहरु अन्यत्र लाग्दा भाउ ओरालो लागेको अनुमान गरिएको छ ।