तारा थुलुङ

नेपाली गायन क्षेत्रमा लागेका कलाकारहरुलाई एकतृत बनाउने संस्था अल सिङ्ग टुगेदर (एएसटी)को संयोजनमा ‘तिम्रो पर्खाइ’मा बोलको गीतको ‘भिडियो’ सार्वजनिक भएको छ । यस गीतलाई एएसटीले एक भर्चुयल कार्यक्रमको आयोजना गरि सार्वजनिक गरेको हो । जुन कार्यक्रममा प्रमुख अतिथिको भूमिका चर्चित गायक जगदिश समालले निर्वाह गरेका थिए भने रेडियो मितेरीबाट यसको प्रत्यक्ष प्रसारण गरिएको थियो ।

यस गीतमा शब्द तथा संगीत गीतकार तथा संगीतकार निमा शेर्पाको रहेको छ भने स्वर नेपाली भाषी भारतीय गायिका रजनी सुन्दासको रहेको छ । लामो समयदेखि अमेरिकामा रहेर नेपाली गीत संगीतमा कलम चलाउने शेर्पाले धेरै वटा गीतमा आफ्नो सुमधुर संगीत समेत भरेका छन् । भरखरै सार्वजनिक भएको गीतमा पनि शेर्पाले उस्तै संगीतको माधुर्यता पस्केका छन् । यस गीतको सङ्गीत सम्योजन फणिन्द्र राइले गरेका छन भने भिडियो सम्पादन बिजय ग्लानको रहेको छ । मार्मिक शब्द, संगीत र सुमधुर आवाजको समिश्रणले यो गीत अत्यन्तै मिठो बनेको छ । यस गीतको भिडियोलाई अल सिङ्ग टुगेदरको अफिसियल युट्युब च्यानलबाट सार्वजनिक गरिएको हो ।

गीतको भिडियो तल हेर्नुहोस्-