गण्डकी प्रदेशसभाका सांसद दिपक मनाङे भनिने राजिव गुरुङकी श्रीमती दिक्छेन डोल्मा लामा पक्राउ परेकी छिन । उनि चोरी मुद्दा आरोपमा पक्राउ परेकी हुन् ।

उनलाई बुधबार प्रहरीले हेटौंडाबाट पक्राउ गरेको हो । जिल्ला अदालत कास्कीले बहुमूल्य धातुको मूर्ति चोरी गरेको मुद्दामा पक्राउ पूर्जी जारी गरेकाले उनलाई पक्राउ गरिएको मकवानपुरका प्रहरी नायब उपरीक्षक इन्द्रबहादुर रानाले जानकारी दिए ।

जिल्ला प्रहरी कार्यालय कास्कीको पत्र प्राप्त भएकाले उनलाई पक्राउ गरि कास्की पठाइएको डीएसपी रानाले बताए । दिक्छेन हेटौंडा–१२ स्थित माइतीमा बस्दै आएकि थिइन । प्रहरीका अनुसार उनीसहित तीनजनालाई विपक्षी बनाएर कास्की जिल्ला अदालतमा बहुमुल्य धातुको मूर्ति चोरीको मुद्दा दायर भएको छ ।

यस विषयमा दिपकले पनि सामाजिक संजाल मार्फत जानकारी गराएका छन् । उनि लेख्छन – ‘डेढ महिनाबाट हामि अलग थियौ बिचमा श्रीमतीले कसैको चोरी गरि बदमासी गरेको थाहा पाएपछि मैले कास्की जिल्ला प्रशासनलाई कार्बाह्ही गर्न माग गरि अहिले पक्राउ गरेको हो । म सांसद भए पनि मेरो परिवारमा जो कोहि होस् चाहे श्रीमती, छोरा छोरी दाजुभाई बदमास गरेपछि कडा भन्दा कडा कारबाही गर्नुपर्छ । त्यसैले जो कोही नेताज्यूहरुको परिवार वा ठुला ठुला कर्मचारीको परिवारहरुले बदमासी गरेपनि कडा कारबाही हुनुपर्छ भन्ने पनि माग गर्दछु ।’

यस विषयमा दिपक मनाङे मिडियामा आएर थप स्पष्ट पारेका छन् । भिडियो हेर्नुहोस ।