काठमाडौं,१७ मङ्सिर । नेपाली कांग्रेसका वरिष्ठ नेता रामचन्द्र पौडेललाई प्रहरीले नियन्त्रणमा लिएको छ ।

तनहुँको ब्यास नगरपालिकामा वडा नम्बर १, १० र ११ जोड्ने पुल उद्घाटन गर्ने क्रममा कांग्रेस र नेकपा कार्यकर्ताबीच झडप भएपछि प्रहरीले पौडेलसहितका व्यक्तिहरुलाई नियन्त्रणमा लिएको हो । व्यास नगरपालिकाले निर्माण गरेको मोटरेबल पूलको उदघाटन गर्न पौडेल गएका थिए ।

नेकपा नेतृत्वले कांग्रेसका वरिष्ठ नेता पौडेललाई पुल उद्घाटन गर्न नदिने भन्दै प्रदर्शन गरेको थियो । आफु र तनहुँ जिल्ला कार्यबाहक सभापति जित प्रकाश आलेलाई प्रहरीले हिरासतमा लिएको जानकारी दिन्छु । पौडेलले सामाजिक सञ्जाल फेसबुकमा लेखेका छन् ।