बबरमहलस्थित कार्की पार्टी प्यालेसमा नेपाल कम्युनिस्ट पार्टी (नेकपा) को प्रचण्ड– माधव समूहको केन्द्रीय कमिटीको बैठक सुरु भएको छ ।

बिहीबारको बैठकमा यसअघि केपी समूहमा रहेको भनिएका शेरबहादुर तामाङ र उषाकला राई पनि सहभागी भएका छन् । त्यस्तै गृहमन्त्री रामबहादुर थापा बादल भने ओली समूहमा सहभागी भएका छन् ।

०००

बालुवाटारमा नेकपा ओली समूहको केन्द्रीय कमिटी बैठक सुरु, बादल पनि सहभागी

नेपाल कम्युनिष्ट पार्टी (नेकपा)को केन्द्रीय कमिटी बैठक आज अपराह्न शुरु भएको छ । अध्यक्ष केपी शर्मा ओलीका अध्यक्षतामा आज प्रधानमन्त्री निवास बालुवाटारमा चौथो बैठक शुरु गरिएको हो ।

बैठकमा मनोनित केन्द्रीय सदस्यलाई शपथ गराइने नेकपा केन्द्रीय कार्यालय सचिव ईश्वरी रिजालले जानकारी दिनुभयो । नयाँ थप मनोनीत केन्द्रीय सदस्य ५५६ जना छन् । केन्द्रीय कमिटीको यही पुस ७ गते बसेको बैठकले एक हजार १९९ सदस्यीय केन्द्रीय कमिटी निर्माण गरेको थियो । बैठकमा नेकपा सचिवालय सदस्य एवं गृहमन्त्री रामबहादुर थापा पनि सहभागी हुनु भएको उहाँले बताउनुभयो । यस्तै नेकपा दाहाल– नेपाल समूहको बैठक पनि बबरमहलस्थित कार्की ब्याङ्केटमा बस्ने जनाइएको छ ।