काठमाडौं, ३० माघ । नेपाल कम्युनिष्ट पार्टी (नेकपा) मा जनता समाजवादी पार्टी (जसपा)का स्थायी समिति सदस्य एवं पार्टीका युवा इन्चार्ज इस्लाम हवारी प्रवेश गर्नुभएको छ । प्रधानमन्त्री एवं पार्टी अध्यक्ष केपी शर्मा ओलीले प्रधानमन्त्री निवास बालुवाटारमा आज बिहान आयोजित विशेष कार्यक्रममा हवारीलाई नेकपामा प्रवेश गराउनु भएको हो ।

सोही अवसरमा प्रधानमन्त्री ओलीले हवारीलाई उत्कृष्ट ढङगले पार्टी काम गर्नका लागि शुभकामनासमेत दिनुभएको थियो । वीरगञ्ज निवासी हवारीसँगै जसपाका विभिन्न तहका नेता कार्यकर्ता पनि पार्टी प्रवेशका क्रममा रहनुभएको जानकारी कार्यक्रममा दिइएको छ । -रासस