तीन सय दुई जना अवैध आप्रवासीहरूलाई समुद्रबाट उद्धार गरी लिबिया फर्काइएको शरणार्थीहरूका लागि संयुक्त राष्ट्रसङ्घीय उच्चायुक्तले शुक्रबार बताएका छन्।
एजेन्सीले एक ट्वीटमा उल्लेख गरिएअनुसार “तीनवटा अपरेशनहरूमा ३०२ व्यक्तिहरूलाई हिजो राती समुद्रमा रोकिएको र उद्धार गरिएको थियो साथै उनीहरूलाई त्रिपोली र जावियामा अवतरण गरिएको थियो।”

तीमध्ये ५० महिला र २२ बालबालिका थिए, युएनएचसीआर र अन्तर्राष्ट्रिय रेडक्रसले ती उद्दार गरिएकाहरूलाई चिकित्सा सहायता र राहत सामग्री उपलब्ध गराएको बताएको छ। लिबियाले २०११ मा दिवङ्गत नेता मुअम्मर गद्दाफीको पतनपछि असुरक्षा र अराजकताको सामना गरिरहेको छ । जसले उत्तर अफ्रिकी देशलाई भूमध्यसागर पार गरी युरोपेली किनारहरूमा जान चाहने गैरकानुनी आप्रवासीहरूका लागि प्रस्थानको रोजाइको बिन्दु बनाएको छ।
ती केन्द्रहरू बन्द गर्न बारम्बार अन्तर्राष्ट्रिय दबाबका आइरहेको छ।

यो पनि – पाकिस्तानी प्रधानमन्त्रीद्वारा बाल अधिकारप्रति दृढ प्रतिबद्धता

पाकिस्तानी प्रधानमन्त्री इमरान खानले शनिबार बालअधिकार कायम राख्न र देशका प्रत्येक बालबालिकाको राम्रो भविष्य सुनिश्चित गर्ने सरकारको प्रतिबद्धता दोहोर्यामउँनु भएको छ। प्रधानमन्त्रीले विश्व बाल दिवसका अवसरमा जारी शुभकामना सन्देशमा पाकिस्तान सरकार विकास, शिक्षा, स्वास्थ्य सेवा, सहभागिता, मर्यादा र सुरक्षा लगायतका प्रत्येक बालबालिकाको अधिकारलाई सुनिश्चित गर्न कटिबद्ध रहेको बताउँनुभएको छ ।

हामी पाकिस्तानमा बालबालिकाको अधिकारको संरक्षण र उनीहरूलाई पाकिस्तानको उत्पादक नागरिक बन्नको लागि समान अवसरहरू प्रदान गर्ने हाम्रो प्रतिबद्धतालाई पुन: पुष्टि गरौं,” खानले भन्नुभयो। उहाँले वर्तमान सरकारले मुलुकमा बालअधिकारको संरक्षणका लागि राष्ट्रिय बालअधिकार आयोगको स्थापनालगायत विभिन्न पहल गरेको बताउँदै बाल संरक्षण संस्थानको स्थापना र विभिन्न ऐनहरू निर्माण गरिरहेको समेत उल्लेख गर्नुभएको छ ।

यसैगरी अन्य कल्याणकारी उपायहरू, जस्तै कुपोषित बालबालिकालाई पोषण सहयोग र हेल्थ कार्डहरू मार्फत विश्वव्यापी स्वास्थ्य सेवा पनि शुरु गरिएको प्रधानमन्त्रीले बताउँनु भएको छ । साथै, भावी पुस्तालाई ध्यानमा राखेर स्वच्छ र हरित पाकिस्तानको पहल शुरु गरिएको पनि उहाँले उल्लेख गर्नुभएको छ ।