सैन्य प्रशिक्षण उडानमा रहेको थाई हेलिकप्टर मङ्गलबार दुर्घटनाग्रस्त हुँदा चालक दलका दुवै सदस्यको मृत्यु भएको स्थानीय सञ्चारमाध्यमले जनाएका छन्।
लोप बुरी प्रान्तको आर्मी एभिएसन सेन्टरबाट तालिम उडानका क्रममा अन्य हेलिकप्टरसँग उडेको हेलिकप्टरमा बिहान ९:४० बजेतिर छिमेकी प्रान्त नाखोन सावनमा आगो लागेको र दुर्घटनाग्रस्त भएको स्थानीय सञ्चारमाध्यमले सेनाको स्रोतलाई उद्धृत गर्दै बताएको छ। उक्त दुर्घटना बारे थप अनुसन्धान शुरु गरिएको छ ।

यो पनि -चीनको ‘आक्रामक कार्यहरू’ विरुद्ध गठबन्धनलाई बलियो बनाउँनुपर्नेः अमेरिकाली विदेशमन्त्री

इन्डो-प्यासिफिक क्षेत्रमा चीनको “आक्रामक कार्यहरू” बारे जारी चिन्ताको बीचमा अमेरिकी विदेशमन्त्री एन्टोनी ब्लिन्केनले मङ्गलबार बेइजिङ विरुद्ध गठबन्धनलाई बलियो बनाउन “नियममा आधारित आदेशको रक्षा गर्नु” पर्नेमा जोड दिनुभएको छ । उहाँले भन्नुभयो देशहरूलाई “आफ्नो बाटो रोज्ने” अधिकार हुनुपर्छ।
इन्डो-प्यासिफिक क्षेत्रमा अमेरिकाको रणनीतिको रूपरेखा प्रस्तुत गर्दै इन्डोनेसियाको दुई दिने भ्रमणमा रहनुभएका ब्लिन्केनले भन्नुभयो, “हामी हाम्रा सहयोगी र साझेदारहरूसँग मिलेर दशकौंदेखि मिलेर बनाएका नियमहरूमा आधारित व्यवस्थाको रक्षा गर्न काम गर्नेछौं र ती क्षेत्र खुला र पहुँचयोग्य रहनेछन्।”

“नियममा आधारित आदेशको रक्षा गर्ने लक्ष्य कुनै पनि देशलाई तल राख्नु होइन बरु बलजफती र धम्कीबाट मुक्त सबै देशहरूको आफ्नो बाटो रोज्ने अधिकारको सुनिश्चितता गर्नु हो,” अल जजीराले ब्लिन्केनले जकार्ताको विश्वविद्यालयमा दिनुभएको उक्त भाषणलाई उल्लेख गरेको छ। अल जजीराका अनुसार ब्लिन्केनले वाशिंगटनले देशहरूलाई अमेरिका र चीनको बीचमा छनोट गर्न वा चीनसँग द्वन्द्व खोज्न बाध्य पार्ने प्रयास नगरेको बताउँनु भएको छ। तर उहाँले “उत्तरपूर्वी एसियादेखि दक्षिणपूर्वी एसिया र मेकोङ नदीदेखि प्रशान्त टापुहरूसम्म” बेइजिङको आक्रामक कारबाहीबारे गुनासो भने पोख्नु भएको थियो।

यो पनि – अफगानिस्तानमा भएका गैर–न्यायिक ह.त्याप्रति संयुक्त राष्ट्रसंघद्वारा चासो व्यक्त

अफगानिस्तानमा तालिबानले अगस्तमा सत्ता लिएदेखि १०० भन्दा बढी गैर–न्यायिक ह.त्यामा संलग्न रहेको आरोप लगाउँदै तालिवान समूहबाट भएका यस्ता गतिविधिप्रति संयुक्त राष्ट्रसंघले चासो व्यक्त गरेको छ । अगस्त १५ पछि तालिबान शासकहरूले आम माफी घोषणा गरेपनि यस्ता ह.त्याका रिपोर्टहरू आउनु चिन्ताको बिषय भएको संयुक्त राष्ट्रसंघका उप अधिकार प्रमुख नाडा अल–नासिफले बताउनुभयो ।

उहाँले संयुक्त राष्ट्रसंघको मानवअधिकार परिषद्लाई भन्नुभयो, “अगस्त–नोभेम्बरसम्ममा हामीले पूर्व अफगान राष्ट्रिय सुरक्षा बल तथा पूर्व सरकारसँग सम्बन्धित १०० भन्दा बढी अन्य व्यक्तिहरूको ह.त्या भएका विश्वसनीय आरोपहरू प्राप्त गरेका छौँ ।

यीमध्ये कम्तीमा ७२ ह.त्याहरू तालिबानले गर्दा भएको उहाँले बताउनुभयो । “थुप्रै अवस्थामा मृत शरीरलाई सार्वजनिक रूपमा प्रदर्शन गरिनुले समस्या झनै जटील भएको देखिन्छ, ”उहाँले भन्नुभयो । संयुक्त राष्ट्र अधिकार प्रमुख मिशेल बासेलेको तर्फबाट परिषद्लाई मंगलबार गरेको अपडेटमा अल–नशिफले भन्नुभयो, “जिहादी इस्लामिक स्टेट–खोरासन समूहका धेरै सदस्यहरू अर्थात् तालिबानको मुख्य शत्रुविरूद्ध पनि त्यस्तै आरोप लागेको छ ।