काठमाडौँ । नेपाल एसबीआई बैंकले कमलादीस्थित बैंकको कर्पोरेट अफिस उद्घाटन गरेको छ । भारतीय स्टेट बैंकका अध्यक्ष दिनेश खारा र नेपाल लागि भारतीय राजदूत नवीन श्रीवास्तवले संयुक्तरुपमा अफिसको उद्घाटन गरेका हुन् ।
यस अघि आजको दिनमा नेपाल एसबीआई बैंकले आफ्नो संस्थागत सामाजिक उत्तरदायित्व अन्तर्गत काठमाडौँस्थित पशुपति क्षेत्र विकास कोषलाई हाई प्रेसर क्लिनर, वेट एण्ड ड्राई भ्याक्यूम क्लिनर र दश डस्टबिन प्रदान गरेको छ । उक्त कार्यक्रममा अध्यक्ष खारले उक्त सरसफाइ सामाग्रीहरू हस्तान्तरण गरेका थिए ।

साथै बैंकले पशुपति क्षेत्र विकास कोष परिसरमा रहेको कैलाश डाँडामा वृक्षारोपण पनि गरेका थियो ।