एजेन्सी, १७ चैत । कोरोनाभाइरसको सं’क्रमण संसारभर फैलिएपछि खेलकुद गतिबिधि ठप्प भइरहेका बेला बेलारुसमा भने फुटबल लिग संचालन भइरहेको छ । अरु बेला खासै चर्चामा नआउने बेलारुसले अहिले लिग गरिरहदा चर्चा बटुलेको छ ।

गत शनिबार बेलारुसमा माथिल्लो डिभिजनका ६ वटा खेल भएका थिए । पूर्वी युरोपियन देश बेलारुसमा शनिबार एफसी मिन्स्क र डाइनामो मिन्स्कबीचको डर्बी भिडन्त हेर्न राजधानीको रंगशालामा ३ हजार दर्शक आएका थिए । उक्त खेलमा एफसी मिन्स्क ३-२ ले विजयी भएको थियो ।

बेलारुसमा अहिलेसम्म कोरोनाबाट सय जना भन्दा कम मानिस सं’क्रमित भएका छन् भने कसैको मृ’त्यु भएको छैन ।

युरोपका देश कोरानाबाट आक्रान्त भइरहेको बेला बेलारुसका राष्ट्रपति ढुक्क देखिएका छन् । उनले आफ्ना नागरिकलाई कोरनाबाट बच्न भोड्का खान भनिरहेका छन् ।

बोलारुस फुटबल महासंघले भने खेलअघि सुरक्षा जाँच गरिएको र कोरानाको परिक्षण गरिएको बताएको छ । र उसले खेलकुद मन्त्रालयको अनुमतिमा खेल संचालन गरिएको जनाएको छ ।