शाही पद त्यागेका पुर्व बेलायती राजकुमार ह्यारी र मेघनको सुरक्षा खर्च अमेरिकाले नदिने ट्रम्पको घोषणा
एजेन्सी, १७ चैत । पुर्व बेलायती राजकुमार ह्यारी र उनकी श्रीमती तथा अमेरिकन मोडल मेघनको सुरक्षाका लागि अमेरिकाले पैसा नदिने राष्ट्रपति डोनाल्ड ट्रम्पले बताएका छन् ।
राष्ट्रपति ट्रम्पले आफ्नो ट्विटरमार्फत् क्यानडाबाट अमेरिका आउन लागेका यी दम्पत्तीको सुरक्षाका लागि अमेरिकाले खर्च नगर्ने बताएका हुन् ।
‘म बेलायत र रानी एलिजावेथको साथी र ठूलो प्रशंसक हुँ। राजपदवी त्यागेका ह्यारी र मेघन स्थायी रूपमै क्यानडा बस्थे,’ उनले ट्विटरमा लेखेका छन्, ‘अहिले उनीहरूले अमेरिका आउन क्यानडा छाडेका छन् । अमेरिकाले उनीहरूको सुरक्षाको खर्च गर्ने छैन। त्यसको लागि उनीहरू आफैंले खर्च गर्नुपर्नेछ ।’
The same Meghan Markell that said she would leave the US if Trump was elected is the same girl that now wants our President Trump to sign off on making the tax payers pay for her security bill? bye girl pic.twitter.com/6neOYzyTgR
— Melissa A. (@TheRightMelissa) March 29, 2020
यता ह्यारी र मेघनले भने अमेरिकासँग सुरक्षा स्रोत माग्ने कुनै योजना नै नभएको बताएको बिबिसीले आफ्नो समाचारमा उल्लेख गरेको छ ।
‘अमेरिकी सरकारसँग सुरक्षा माग्ने हाम्रो कुनै योजना छैन,’ आइतबार ह्यारीका प्रवक्ताद्वारा जारी विज्ञप्तिमा उल्लेख छ, ‘निजी खर्चमै सम्पूर्ण सुरक्षा व्यवस्था मिलाइएको छ ।’
ह्यारीको परिवारले यस वर्ष प्रायः जसो समय क्यानडामै बिताए । गत महिना क्यानडा सरकारले उनीहरूको पद परिवर्तन भएसँगै सुरक्षा दिन बन्द गर्ने निर्णय गरेको थियो ।
