नेपालको पहिलो सुपरमार्केट भाटभटेनी सुपरमार्केटले सर्बसाधारणलाई लक्षित गरि मासु र तरकारीको सुफत मूल्य निर्धारण गरेको छ । बजारमा खसीको मासु प्रतिकेजी १३ सय देखि १७ सय रुपैयाँ सम्ममा बिक्री भइरहेका बेलामा भाटभटेनी सुपरमार्केटले भने प्रतिकेजी ८५० रुपैयाँमै बिक्री गर्न थालेको छ । कोरोना महामारीको बेला आर्थिक संकट परेको बेला भाटभटेनी सुपरमार्केटको यो अफरले धेरैलाई राहत मिल्ने देखिन्छ ।

झन्डै आधा मूल्यमा मासु बिक्री गर्न सक्नुको कारण बिचौलिया हटाउनु हो, भाटभटेनी सुपरमार्केटका सञ्चालक मीनबहादुर गुरुङ भन्छन । उनका अनुसार भाटभटेनीले सिधा कृषकबाट खरिद गरि ग्राहक सम्म पुग्ने हुदा कुनै बिचौलियाको भूमिका नभए पछि मूल्य सस्तो भएको हो ।

भाटभटेनी सुपरमार्केटले नेपालगञ्जबाट सिधा ल्याएर ग्राहकलाई बिक्री गर्ने हुदा सस्तो मूल्यमा बिक्री गर्न सकेको संचालक गुरुङ बताउछन ।

खसीको मासु मात्र हैन भाटभटेनी सुपरमार्केटमा माछा र तरकारी पनि अन्त भन्दा सस्तो रहेको संचालक गुरुङ बताउछन । रेम्बो ट्राउट माछा अन्य ठाउमा १८ सय देखि २ हजार रुपैया सम्म पर्छ तर भाटभटेनी सुपरमार्केटमा १२ सय रुपैया मै पाइन्छ।

काठमाडौंको टंगाल, महाराजगञ्ज र ललितपुरको पाटनस्थित भाटभटेनी सुपरमार्केटबाट खसिको मासु प्रतिकेजी ८५० मा र रेम्बो ट्राउट माछा १२ सयमा बिक्री भइरहेको छ ।