‘ प्रदेश प्रमुख र मुख्यमन्त्रीलाई काठमाडौंमा अवास किन चाहियो ?’

काठमाडौं । नेपाल मजदुर किसान पार्टीका नेता एवं प्रतिनिधि सभा सदस्य प्रेम सुवालले प्रदेश प्रमुख र मुख्यमन्त्रीहरुलाई काठमाडौंमा आवास आवश्यक नरहेको बताएका छन् ।

आज (मंगलबार) प्रतिनिधि सभाको बैठकलाई सम्बोधन गर्दै उनले प्रदेश प्रमुख र मुख्यमन्त्रीका नाममा अर्बौं खर्च गरेर दरबार बनाउन आवश्यक नरहेको बताएका हुन् ।

‘प्रदेश प्रमुख र मुख्यमन्त्रीहरुलाई काठमाडौंमा आवास बनाउने होईन, आ–आफ्नै प्रदेशमा राख्ने हो । काठमाडौंमा आएर दुई/चार दिन बस्नलाई त जनताले होटल खोलेकै छन् नि । यत्रो अर्बौं रुपैयाँको दरबार बनाउन जरुरी छैन,’– उनले भने ।